Абашева Айнур  Каримуллаевнаның қамқоршылық кеңес алдындағы 

ЕСЕБІ

                   Құрметті ата – аналар және қамқоршылық   кеңесінің мүшелері!

     Ата-аналар білім беру ұйымдарын таңдау мүмкіндігіне;  қорғаншылық кеңестері арқылы білімді басқаруға араласуға, мектепалды тәрбие мен оқытуда қолжетімділікті  қамтамасыз етуге, баланың табыстары туралы ата-ана білім беру ұйымы байланысы арқылы қашықтықтан ақпарат алуға құқылы болуы заман талабы болып отыр. Қорғаншылық кеңестерінің жұмысын жоғары деңгейге көтеру нәтижесінде  білім алушыларға барлығына бірдей сапалы білімге қол жеткізуге, үздік білім беру ресурстары мен технологияларын пайдалануға, коммуникативтік және кәсіби біліктілікті дамытуға мүмкіндік жасалады. Қамқоршылық кеңес  мектептің өзін-өзі басқару органы болып табылады және  оның мақсаты мектеп қызметіне және  дамуына жәрдем көрсету мақсатында құрылды.  Қамқоршылық кеңесінің басты мақсаты сыныптардың ата-аналар комитеттеріне мектеп қабырғасында балалардың  тыныс-тірішілігін қамтамасыз етуіне  қатысы бар материалдық  бөлігімен таныстыру. 

  2025-2026 оқу жылында  Намазбай Ақшабаев  атындағы орта   мектебінің  педагогикалық ұжымы білім беру сапасын арттыру, оқушылардың жан-жақты дамуына қолайлы жағдай жасау және қауіпсіз білім беру ортасын қалыптастыру бағытында жүйелі жұмыстар жүргізді.

Бүгінде мектебімізде 818 оқушы білім алуда, оларға 87 педагог сапалы білім мен тәрбие беруде. Мұғалімдеріміз кәсіби біліктіліктерін тұрақты түрде арттырып, заманауи білім беру технологияларын тиімді қолдануда.

2025-2026 оқу  жылының қорытындысы бойынша оқушыларымыз қалалық, облыстық және республикалық пән олимпиадалары мен түрлі байқауларда жүлделі орындарға ие болды. Бұл – ұстаздар мен ата-аналардың бірлескен еңбегінің нәтижесі.

Тәрбие жұмысы бағытында ұлттық құндылықтарды дәріптеу, құқықтық мәдениетті қалыптастыру, салауатты өмір салтын насихаттау және патриоттық тәрбие беру бойынша көптеген іс-шаралар өткізілді. Оқушылардың шығармашылық және спорттық қабілеттерін дамытуға ерекше көңіл бөлінді.

Мектеп ғимаратының қауіпсіздігі мен санитарлық жағдайын қамтамасыз ету бойынша тиісті жұмыстар жүргізілді.

Қаржылық қаражаттардың жұмсалуы заңнама талаптарына сәйкес ашық және тиімді жүзеге асырылды..

Алдағы кезеңдегі негізгі міндеттеріміз:

білім сапасын одан әрі арттыру;

оқушылардың функционалдық сауаттылығын дамыту;

цифрлық технологияларды тиімді пайдалану;

қауіпсіз және жайлы білім беру ортасын қалыптастыру;

ата-аналармен серіктестікті нығайту.

Осы ретте мектеп өміріне белсенді қатысып, қолдау көрсетіп жүрген барлық ата-аналарға және Қамқоршылық кеңесінің мүшелеріне шынайы алғысымды білдіремін.

2025-2026 оқу жылының басындағы 817 контингент  оқушыны құрады: Сынып  комплектілер  - 43, қазақ және орыс тілдерінде оқытатын мектепалды даярлықтың 3 сыныбы.

• оның ішінде 1-4 сыныптарда -316;

• 5-9 сыныптарда - 414;

• 10-11 сыныптар - 87.

2025-2026  оқу жылында мектепте педагогтардың саны – 87, оның ішінде педагог-зерттеуші - 32, педагог-сарапшы – 25, педагог-модератор -22, санаты жоқ -8.  Педагог-зерттеуші, педагог-сарапшы, жоғары,  біліктілік санатты мұғалімдердің пайыздық үлесі – 61%

Мектептегі педагогикалық қызметтің білім берудің мемлекекттік стандарт талаптарына сәйкестігін, мектептің одан әрі дамуын қалыптастырыру мақсатында Мектептің Даму Жоспары және Жылдық жоспары жүзеге асырылды. Жылдық жоспарда  бір жыл ішінде алдымызға қойған нақты мақсаттарды белгілеп, жұмыс жүргізілді. Онда - жалпыға бірдей міндетті білім берудің орындалуы, педагог кадрлармен жұмыс, мектеп құжаттарын жүргізуді бақылау, оқушылардың білім-білік дағдылары, оқу-материалдық база, пәндердің  оқыту сапасын бақылау, құқық бұзушылықтың алдын-алу,  қамқорлықтағы, әлеуметтік жағдайы төмен, көп балалы отбасы  балаларының әл-ауқатын арттыру, психологиялық көмек, оқушылардың тәрбиелік деңгейін  жақсарту, бос уақытын тимімді  ұйымдастыру, үйірме мен секциялардың, сыныптан тыс іс-шаралардың мазмұнын  жақсарту қарастырылды. Жоспарланған  іс-шаралар дер кезінде орындалып, директор жанындағы кеңес, әкімшілік кеңес, педагогикалық  кеңесте қаралып отырды.
 
 

 Жылдық  білім сапасының   көрсеткіші;

Биылғы оқу жылы 1 – 11 – сыныптарда оқушылардың білім сапасы – 64,4%, оқу үлгерімі – 100 % көрсетті. 

Оқушылардың білім, білік дағдыларының деңгейі, пәндердің оқытылу жағдайы үнемі бақылауда болып, оқушылар білімін тексеру барысында тестілеу, бақылау жұмыстары, сынақтар жүргізіліп, нәтижелері талданып, әр тоқсан бойынша, әр пәндер бойынша білім сапасына оқушылардың оқытылу деңгейіне салыстырмалы талдау жасалынуы мұғалімдердің өз ісіне жауапкершілігін жоғарылатуымен қатар, білім сапасының кей пәндерден төмен болуының себебін анықтап, олқылықтарды түзету жолдарын іздестіру жұмыстары жүйелі жүргізілді. 
 3.ҰБТ –ға және қорытынды аттестаттауға  дайындық
      11-сыныпта- 40 оқушымен оқу жылын аяқтады ҰБТ–ға дайындық жұмыстары жүргізілді. Жыл бойынан ҰБТ-ға  және қорытынды аттестаттауға дайындықтың қадамдық іс-қимыл жоспары жасалды. Бірнеше рет сынақ тест, психологиялық көмек,  мамандық таңдауға көмек, ата-аналармен бірлескен жұмыс ұйымдастырылды.
      Үйден оқыту барысы үнемі зерделеніп отырды. Үйден оқитын балаларға психологиялық көмек көрсетіліп, түзету жұмыстары жүргізілді. 
 «Күнделік.кз» жүйесіне  жауапты маман  белгіленген. 818 оқушы туралы мәліметтер енгізіліп, ата-ана бұл жүйе арқылы оқушының білімін бақылап, үй тапсырмасын көріп, үнемі байланысты бола алады.

Мектепте өтіп жатқан оқу-тәрбие үдерісіндегі басты жаңалықтар мен жетістіктер Фейсбук, Инстаграмм әлеуметтік желілері  және Намазбай Ақшабаев  атындағы орта   мектебінің    сайты арқылы жариялануда.

Мектепке бөлінген қаражат туралы ақпарат  Намазбай Ақшабаев  атындағы орта   мектебінің  сайтының ашық бюджет блогында жарияланып келеді.

Мұғалімдерді жұмысқа қабылдау жүйесі Enbek.kz сайты арқылы жүргізілуде. 

. Әлеуметтік жұмыстар 
 Намазбай Ақшабаев  атындағы орта   мектебінің  әлеуметтік паспортына тоқтала кетсек:
       Көп балалы отбасынан шыққан оқушылар саны –399, толық емес отбасынан шыққан оқушылар саны – 68, тек анасымен тұратын оқушылар саны – 51, тек әкесімен тұратын оқушылар саны – 14, тума-туыстарымен тұратын оқушылар саны – 19, өгей әкемен тұратын оқушылар саны – 7, өгей шешемен тұратын оқушылар саны – 5, жайсыз отбасындағы оқушы жоқ,үйде оқитын- 7, мектепішілік есепте тұрған оқушы-2.
 Оқумен қамтылмаған балаларды анықтау, аз қамтамасыз етілген және көп балалы отбасынан шыққан оқушыларға, жетім балаларға, сондай-ақ оқу жылының басына дайындық уақыты кезінде ата-аналарының қамқорлығынсыз қалған балаларға қолдау көрсету және әлеуметтік себептер бойынша мектепке балалардың келмеуінің алдын алу мақсатында 2025 жылдың 1 тамызы мен 30 қыркүйегі аралығында республикалық «Мектепке   жол» атты акциясы жүргізілді. 
       2025-2026  оқу жылында 133 оқушы тегін ыстық тамақпен қамтылды. Тамақ сапасы бойынша брокераж комиссия мүшелері беріліп жатқан тамақты тексеріп отырды. Сыныптың ата-аналар комитет мүшелері де тамақ сапасын көріп, көңілдерінен шығатындығы туралы ұсыныстар қалдырып отырды.
 1.Мемлекеттік атаулы әлеуметтік көмекті алуға құқығы бар отбасыларынан шыққан білім алушылар – 2
 2.Мемлекеттік атаулы әлеуметтік көмек алмайтын жан басына шаққанда орташа табысы күн көріс деңгейінен төмен отбасылардан шыққан білім алушылар саны – 14
 3. Жетім балалар немесе ата-анасының қамқорлығынсыз қалған балалар  - жоқ
 4.Төтенше жағдайлардың салдарынан шұғыл жәрдемді талап ететін отбасылардан шыққан балалар - 0
 5.Білім беру ұйымының алқалы басқару органы айқындайтын білім алушылар мен тәрбиеленушілер – 117
 
      Жазғы демалыс кезіңінде мектеп оқушыларына ұйымдастырылатын танымдық экскурсияға 10-13 жас аралығында 12- оқушы қамтылды.

«Адал азамат» біртұтас тәрбие бағдарламасы аясында алдын алу шараларын іске асыру, құқық бұзушылықтың алдын алу, білім алушылардың құқықтық мәдениетін арттыру және заң мен тәртіп қағидаттарын ілгерілету бағытында атқарылған жұмыстар

Қылмыс пен құқық бұзушылықтың алдын алу бойынша  сандық көрсеткіш

Тәуекел тобындағы оқушылардың мониторингі оқу жылы қортындысы бойынша

 2025–2026 оқу жылында мектепте білім алушылардың құқықтық мәдениетін қалыптастыру, құқық бұзушылықтың, бұзақылықтың, зорлық-зомбылықтың, әлімжеттіктің және кәмелетке толмағандар арасындағы келеңсіз жағдайлардың алдын алу бағытында жүйелі жұмыстар жүргізілді. Жұмыстар Қазақстан Республикасының қолданыстағы заңнамаларына, мектептің тәрбие жоспарына және құқық бұзушылықтың алдын алу жөніндегі жылдық жұмыс жоспарына сәйкес ұйымдастырылды.

Оқу жылы барысында мектеп әкімшілігі, құқық қорғау органдары, жергілікті полиция қызметінің аумақтық инспекторы, мектеп психологы, әлеуметтік педагог, сынып жетекшілері, ата-аналар комитеті және қамқоршылық кеңес мүшелерімен бірлесе отырып профилактикалық іс-шаралар өткізілді.

 Мақсаты   – оқушылар арасында құқық бұзушылықтың алдын алу, қауіпсіз әрі қолайлы білім беру ортасын қалыптастыру, тәуекел тобындағы білім алушылармен жеке жұмыстар жүргізу, олардың бос уақытын тиімді ұйымдастыру, құқықтық сауаттылық деңгейін арттыру және салауатты өмір салтын насихаттау болды.

Негізгі міндеттер

Оқу жылы басында құқық бұзушылықтың алдын алу кеңесінің жұмыс жоспары бекітіліп, келесі міндеттер айқындалды:

оқушылар арасында құқық бұзушылықтың алдын алу;

мектептегі тәртіп пен қауіпсіздікті қамтамасыз ету;

тәуекел тобына жататын білім алушыларды анықтау және бақылауға алу;

ата-аналармен өзара байланысты нығайту;

құқықтық білім беру жұмыстарын жүргізу;

оқушылардың бос уақытын тиімді ұйымдастыру;

киберқауіпсіздік және интернеттегі қауіптердің алдын алу;

буллинг пен әлімжеттіктің алдын алу;

девиантты мінез-құлықтың алдын алу;

салауатты өмір салтын қалыптастыру болып табылады

 2025 -2026  оқу жылының жоспарында көрсетілгендей, әр айдың 2 аптасында 1-11 сыныптарда «Құқықтық білім беру» апталығы жүргізіліп, құқықтық тәрбие шаралары жасалынды. 
 Рейдтік жұмыстарының нәтижесі ретінде  жайсыз отбасы  анықталмады.
 Жасөспірімдер арасындағы құқық бұзушылық, бопсалау мен әр түрлі мәселелердің алдын алуға байланысты мектеп ішінде  «Сенім жәшігі» қойылды. Жәшік  айына 1 рет ашылып, түскен хаттар директор жанындағы, әкімшілік отырысында талқыланып отырды.
 Намазбай Ақшабаев  атындағы орта  мектебінде «Адал ұрпақ» клубы жұмыс жасайды. Оның 12 мүшесі бар. Жоспары жасалынып, бірнеше рет семинарлар, тренинг, кездесулер өткізілді. 

Білім саласындағы жетістіктер

Намазбай Ақшабаев  атындағы орта  мектебінің    мұғалімдерінің басты міндеттерінің бірі - дарынды оқушылармен жүйелі, нәтижеге бағытталған жұмыс атқару болса, ол міндет те өз дәрежесінде орындалды. Біздің мектеп жыл сайын білім мен тәрбие жолында биік белестерді бағындырып келеді. Оқушыларымыз облыстық, республикалық олимпиадаларда жүлделі орындарға ие болып, спорт, өнер және ғылым салаларында жоғары нәтижелер көрсетуде. Ұстаздарымыздың кәсіби еңбегі мен ата-аналардың сенімі — осы жетістіктердің басты негізі.

   Атап айтар болсақ, оқушыларымыз облыстық пән олимпиадасында физика пәнінен Бердібек Сакен 3 орын (жетекшісі Байтенова Зурият), 

  -қалалық пән олимпиадасында қазақ тілі пәнінен 5 сынып оқушысы Әбдіыбырайым Рамазан 2 жүлделі орынды, 

  -ал 10 сынып оқушысы Шаңғыл Ақниет 3 орын иеленді (жетекшісі Әбілқасымова Майра), 

  -«Бауыржан   оқулары» бойынша эссе жазу байқауынан (қалалық) 9 сынып оқушысы Мейрхан Фатима 2 орын (жетекшісі Тасыбаева Раушан), 

  -«Менің Отаным- Қазақстан» эссе байқауы (қалалық) 11 снып оқушысы Байдос Сезім жүлделі 3 орын (жетекшісі Рыскелдиева Айдана) иеленген.

  -қалалық «Бастау» олимпиадасына 2 сынып оқушысы Сейтқадыр Бекжан 3 орын, (жетекшісі Тағаева Ғалия);

  - Қалалық «Асыл мұра-ата-баба аманаты» атты зияткерлік ойынында Қалмахан Асыл, Абдулхаким Айғаным, Қалмахан Ақмерей   бас жүлдені жеңіп алды (жетекшісі Кушекова Динара);

  -математика пәнінен 7 сынып оқушысы Жұбат Нұрмухаммед қалалық пәндік олимпиадасында   3 орын  "Алтын сақа" қалалық кезең олимпиадасы 5а сынып оқушысы Құрал Ринат- 3 орын, 6ә сынып оқушысы  Ошақбай Бекарыс-1 орын (жетекшісі Байтанаева Динара);

  -ағылшын тілі пәнінен «The spirit of Christmas» қалалық эссе байқауы 9 сынып оқушысы Досумбай Әмина 3 орын иеленген;

  -Қалалық пән олимпиадасы орыс тілі пәнінен 6 сынып оқушысы Мейіржанқызы Алима 3орын, Қалалық 8-10 сынып арасында өткізілген «Учитель –это звучит гордо» эссе байқауынан Күмісбек жанерке 3 орын иегерлері (жетекшісі Мустафина Айгул)

  -«Жарқын болашақ» республикалық қазақ тілі олимпиадасының қалалық кезеңінің «БЕЙНЕЛЕУШІЛЕР» бағыты бойынша 9 сынып оқушысы Келесбек Айым 2 орын иеленген (жетекшісі Атабаева Айсұлу)

   Осы оқу жылында мектебімізде «Жас сақшы» сыныбы ашылды. «Жас сақшы» сыныбына 7 сынып оқушыларынан 20 оқушы  салтанатты түрде ант қабылдап өтті. Жас ұрпақты тәрбиелеу мен құқықтық мәдениетті қалыптастыру бағытында  «Жас сақшы » полиция сыныптарының қалалық слеті, республикалық«Жас сақшылар »   форумына қатысып сынып командирі Жұмахан Қарақат ІІІ орын иеленіп жүлделі сыйлықпен марапатталды.

 Мектептің 2025-2026 оқу жылындағы  ағымдағы жөндеу жұмысына 1570700 теңге бөлінді. Оқу кабинеттері,дәліздер,мәжіліс залы,спорт залы,асханаға  әктеу,сырлау жұмыстары жүргізілуде..

    «Жұмыла көтерген жүктің – жеңіл келетінін» ескере отырып, бала тәрбиесі – ортақ іс екенін, аса жауапкершілікпен қарау керек екенін білеміз. «Мектеп – ата-ана – бала» үштігі бірігіп, ынтымақтаса еңбек атқарғанда ғана нағыз ұлтжанды азаматты тәрбиелеуге болатынын жүрекпен түсінеміз. Алда талай бағындырар белестер, атқарылар істер бар. Болашағы баянды, келешегі кемел білім ордасының жетістіктері алдағы уақытта да еселене береді деп сенеміз, қажырлы еңбек, үздіксіз ізденіс, қарымды қабілет гимназия ұжымының негізгі ұстанымы болып қала бермек. 

Бүгінгі қоғам мектептегі ата – ананың рөлін күшейтіп отырғаны мәлім. Осы орайда белсенді ата-аналардың бастамасымен мектепішілік қамқоршылық кеңесі құрылды. Аталған қамқоршылық кеңесі  31 қазан 2025 жылы құрылып, 17 адам мүше болып табылады. Мектепке көмек ретінде атсалысса, мектеп, ата-ана, оқушы белсенді серіктестікті нәтижелі жұмыстың кепілі болады деген сенімдемін.